Түркістан облысының білім басқармасының Арыс қаласының білім бөлімінің «С.Сейфуллин атындағы жалпы білім беретін мектеп» коммуналдық мемлекеттік мекемесі

Мекен-жайымыз:
Қазақстан, Түркістан облысы Арыс қаласы Ж. Асылбеков көшесі №4
Директор:
+7(776) 404-00-02
Оқу ісі орынбасары:
+7(776) 156-48-00
school_seyfulin@mail.ru
С. Сейфуллин атындағы жалпы білім беретін мектептің тарихы
Сәкен Сейфуллин атындағы жалпы білім беретін мектеп өз тарихын 1964 жылдан бастайды.
Бұл білім ордасы — ақиық ақын, мемлекет және қоғам қайраткері, драматург және әдебиет зерттеушісі Сәкен Сейфуллиннің 70 жылдық мерейтойына орай ашылған.
Мектептің құрылу және даму кезеңдері
1964 жыл
С. Сейфуллин атындағы 8 жылдық қазақ-орыс мектебі ашылды.
Екі қабатты ғимарат 150 оқушыға арналып салынды.
Алғашқы директор – Ахметов Майшарап.
1978 жыл
мектеп орта мектеп мәртебесін алды (10 жылдық).
1990 жыл
560 оқушыға арналған үш қабатты қосымша ғимарат пайдалануға берілді.
Осы жылдан бастап мектеп «С. Сейфуллин атындағы қазақ орта мектебі» деп аталды.
2010 жыл
атауы «С. Сейфуллин атындағы жалпы орта мектеп» болып өзгертілді.
2012 жыл
«С. Сейфуллин атындағы жалпы орта мектебі» коммуналдық мемлекеттік мекемесі болып бекітілді.
2023 жыл
атауы «С. Сейфуллин атындағы жалпы білім беретін мектеп» коммуналдық мемлекеттік мекемесі болып өзгертілді.
Еңбегі сіңген ұстаздар (1964–1990 жж.)
Марапат иегерлері:
Ахметов Майшарап
«ҚазССР-нің еңбек сіңірген мұғалімі»
Даберова Жақсыкүл
СССР оқу ісінің үздігі
Әбдіков Темірхан
ҚР Білім беру ісінің үздігі
ҚР Құрмет грамотасымен марапатталғандар:
Алтынбекова Райхан, Алтынбекова Замира, Жүнісова Бибісара
Еңбек ардагерлері
1970–2015 жылдар аралығында еңбек етіп, зейнетке шыққан ұстаздар:
Арынқұлова Мінаш, Пазылова Күлпаш, Егорова Зинаида Николаевна, Колесникова Зинаида Максимовна, Репченко Райса Ивановна, Қалдарбекова Мереке, Баймұратова Бейсенкүл, Алтынбекова Сабира, Жүнісова Бибісара, Назанова Жұпар, Әбдікова Құралай, Абдраманова Роза, Шойнахова Райхан, Зиябекова Гүлшара.

2020–2023 жылдар аралығында зейнетке шыққан ұстаздар:
Өмірбекова Сұлухан, Алтынбекова Замира, Мансурова Күлбала, Алтынбекова Райхан.
Мектеп түлектері — ел мақтанышы
Бимырзаев Есілбек Төребайұлы — ҚР мәдениет қайраткері, профессор.
Тасболатов Бөржан Көпжанұлы — биология ғылымдарының кандидаты.
Рахышова Жұмашай Сайлауқызы — филология ғылымдарының кандидаты, Әуезов атындағы әдебиет және өнер институтының ғылыми қызметкері.
Құмарбеков Ғалымжан Әбдіханұлы — Арыс қалалық бокс мектебінің директоры, спорт шебері, төреші, маслихат депутаты.
Баекеев Тоқберген Тәліпханұлы — Монтайтас ауылының әкімі.
Жолдасова Айгүл Абдуллақызы — филология ғылымдарының кандидаты.
Алдиярова Гүлзира Аязқызы — медицина ғылымдарының кандидаты.
Жұмабеков Мадияр — тарих ғылымдарының кандидаты.
Баекеева Күлайша — медицина ғылымдарының кандидаты.
Тайшықов Самат — көркем сурет ғылымының кандидаты.
Орақбаева Жанар — қолданбалы математика магистрі.
Жолдасов Еркебұлан — режиссура магистрі.
Мектеп туралы жалпы мәлімет
Сәкен Сейфуллин атындағы жалпы білім беретін мектеп — Түркістан облысы, Арыс қаласы, Асилбеков көшесі №1 мекенжайында орналасқан. Мектептің қазіргі директоры — Асқаров Талғат Жүсіпұлы.

Білім ордасында барлығы 96 мұғалім еңбек етеді. Оқу-тәрбие процесінде 982 оқушы білім алуда. Мектепте 59 сынып комплектісі бар. Сабақтар екі ауысымда жүргізіледі: бірінші ауысымда — 488, екінші ауысымда — 475 оқушы оқиды.

Мектепте барлығы 31 оқу кабинеті жұмыс істейді. Оқушылардың тамақтануы үшін жалпы аумағы 47,3 шаршы метр, 60 орындық асхана қызмет көрсетеді. 1–4 сынып оқушыларының 440-ы күнделікті ыстық тамақпен қамтылған.

Мектеп ғимараты 1964 жылы салынған. Ол типтік үлгідегі, үш қабатты бір оқу корпусынан тұрады. Жалпы пайдалы алаңы — 1251,55 шаршы метр. Қазандықтың түрі — КВР-4, қатты отынмен (көмірмен) жылытылады.
Халыққа білім мен тәрбие беруде жарты ғасырдан астам тарихы бар
С. Сейфуллин атындағы жалпы білім беретін мектеп – өңірдің мақтанышы, білім мен руханияттың ордасы болып қала береді.